Mereıtoıǵa daıyndyq barysy týraly tilderdi damytý basqarmasynyń basshysy Kemel Ospanov baıandady. Onyń aıtýynsha merekelik jospar aıasynda 250-ge jýyq is-shara ótkizý belgilengen. «Maǵjan kóktemi» respýblıkalyq óner festıvali ult qaıratkeriniń týǵan kúnine oraı uıymdastyrylady. Maǵjan oqýlary, aqyndar aıtysy, oqýshylar arasynda ǵylymı jobalar baıqaýy óris alady. Ondaǵy basty maqsat jerlesimizdiń ónegeli ómiri men shyǵarmashylyq murasyn nasıhattaý bolyp tabylady.
Qumar Irgebaıuly halyqaralyq TÚRKSOI uıymynyń bastamasymen aqynnyń mereıtoıyn osy uıymǵa kiretin elderde ótkizý týraly sheshim qabyldanǵanyn jetkizdi. Túrki áleminde 2018 jyl «Maǵjan Jumabaev jyly» bolyp jarııalanýyna baılanysty aqpan aıynda Kastamoný jáne Ankara qalalarynda bastaý alady. Is sharalar elimizdiń ózge aımaqtaryn da qamtıdy.
Ǵylymı-zertteý jumystarynda, tájirıbelik konferensııalarda jerlesimizdiń shyǵarmashylyǵy keńinen dáriptelýi kerek. Jaryqqa shyqpaǵan týyndylaryn taýyp, jarııalaý qajet. Osy baǵytta atqarylatyn kez kelgen shara jas býynnyń boıynda otansúıgishtik, eljandylyq qasıetterdi qalyptastyrýǵa qyzmet etýi tıis, dep atap kórsetti Q. Aqsaqalov. Aqynnyń týǵan aýyly Sarytomardy abattandyrýǵa qajetti qarajat bólinetinin aıta kelip, M. Jumabaev aýdanynyń ákimi Asqar Begmanovqa birqatar birqatar tapsyrmalar júktedi.
Aldaǵy ýaqytta Qazaqstan Respýblıkasynyń teńge saraıyna tapsyrys berý arqyly mereıtoılyq medal men moneta, sonymen qatar Maǵjan Jumabaevtyń ómiri men shyǵarmashylyǵyna arnalǵan ekitomdyq jınaq shyǵarý kózdelip otyr.
«Rýhanı jańǵyrý» baǵdarlamasy aıasynda budan basqa sharalar da qolǵa alynatyn bolady.
О́mir Esqalı,
«Egemen Qazaqstan»
Soltústik Qazaqstan oblysy
